Bwyd a gynhyrchir heb greu unrhyw wastraff, ac sy\u2019n defnyddio ychydig iawn o dd\u0175r ac ynni – ydy technoleg acwaponeg yn cynnig ateb cynaliadwy yn ystod cyfnod ansicr?<\/p>\n
Dyna farn cyd-sylfaenydd Bioaqua, Antonio Paladino yn bendant. Mae Bioaqua yn gartref i fferm acwaponeg brithyll mwyaf y DU, ac mae Paladino yn rhedeg y fenter gyda\u2019i bartner, Amanda Heron o\u2019u fferm ger Frome yng Ngwlad yr Haf. Cyfeiriwyd at Bioaqua gan arbenigwyr yn y diwydiant fel \u2018 y system acwaponeg gorau yn y DU o bell ffordd\u2019, ac mae\u2019n denu clod fel dyfodol ffermio cynaliadwy.<\/p>\n
Yn dilyn ymweliad \u00e2 Borneo lle \u2018daeth ar draws\u2019 acwaponeg yn llythrennol, mae Paladino wedi treulio\u2019r deng mlynedd diwethaf yn datblygu system i dyfu cnydau sy\u2019n cyfuno ffermio pysgod organig, dyfrhau hydroponeg, ac yng ngeiriau Paladino ei hun, \u201cdulliau naturiol y Fam Ddaear.\u201d Cedwir y brithyll mewn niferoedd bach, ac maent yn cael bwyd organig. Ni ddefnyddir gwrthfiotigau, plaladdwyr na chwynladdwyr.<\/p>\n
Er bod rhai\u2019n ei feirniadu fel system ar gyfer gwledydd \u00e2 hinsawdd gynhesach, gall costau rhedeg system acwaponeg mewn rhai o rannau oeraf y byd fod yn ddrud. Oherwydd prinder golau\u2019r haul, mae ffermydd yn dibynnu\u2019n helaeth ar olau artiffisial yn lle. Yn aml mae paneli solar yn annibynadwy ac mae\u2019r biliau ynni\u2019n uchel.<\/p>\n
Nid dyna\u2019r sefyllfa i Paladino, diolch i\u2019w ddulliau technoleg isel, \u201crydym yn defnyddio trydan yn unig i ddyfrhau, ac i bwmpio d\u0175r ocsigenedig o gwmpas y tanciau. Rydym yn defnyddio 3kw o drydan bob awr ar gyfer 1000m2, sef tua\u2019r un faint ag sydd ei angen i ferwi tegell.\u201d Meddai Paladino dan wenu, \u201cY newyddion mawr, yw ein bod yn tyfu cnydau tymhorol mewn heulwen a\u2019r pridd.\u201d<\/p>\n
Mae\u2019n defnyddio twneli plastig heb unrhyw angen ar gyfer golau artiffisial. Yr unig elfen hydroponeg sy\u2019n cael ei defnyddio yw dyfrhau. Mae\u2019r d\u0175r, sy\u2019n mynd trwy bio-ffilterau o\u2019r tanciau pysgod, yn cael ei ddosbarth trwy system gae\u00ebdig i gynnal y cnydau. \u201cRydym yn tyfu dwywaith y planhigion mewn hanner y gofod oherwydd mae\u2019r d\u0175r yn llawn maetholion o wastraff y pysgod,\u201d eglura Paladino. Mae\u2019r system yn defnyddio dim ond 5% o\u2019r adnoddau d\u0175r a ddefnyddir gan ddulliau ffermio traddodiadol.<\/p>\n Cafodd Paladino, sy\u2019n gogydd wrth ei alwad, ei fagu yng Ngogledd yr Eidal. \u201cRoedd gen i ddiddordeb erioed mewn materion amgylcheddol,\u201d meddai Paladino, \u201cRoeddwn i am wneud rhywbeth i wneud gwahaniaeth.\u201d<\/p>\n Ac yntau\u2019n awyddus i rannu ei wybodaeth, mae Paladino yn rhedeg cyrsiau rheolaidd. \u201cNid yw un dyn a\u2019i fferm yn ddigon,\u201d meddai, \u201ctrwy gydweithio, gallwn wireddu newid. Mae ein cyrsiau\u2019n dod ag incwm bach i mewn, ond nhw yw\u2019r eisin ar y gacen.\u201d<\/p>\n Pysgod a llysiau yw prif ffynonellau incwm y teulu. Hefyd mae Paladino yn gwerthu marinadau a gynhyrchir o gynnyrch y fferm i fynd \u00e2\u2019r brithyll. \u201cRydym yn masnachu trwy hwb bwyd ar-lein, mewn marchnadoedd ffermwyr lleol ac mewn gwyliau. Hefyd rydym yn cynnig gwasanaeth arlwyo preifat,\u201d meddai Paladino.<\/p>\n Mae\u2019r costau cychwyn yn amrywio, a chychwynnodd Paladino ei fusnes gyda grant bach gan gronfa Pysgodfeydd Ewropeaidd. \u201cMae\u2019r costau sefydlu\u2019n uchel oherwydd mae\u2019n rhaid mewnforio\u2019r offer o dramor\u201d meddai Paladino, \u201cCost model technoleg isel yw rhyw \u00a3200,000 yr erw a phris model technoleg uchel yw rhyw dair miliwn o bunnoedd.\u201d<\/p>\n Cyngor Paladino yw, \u201cDyma\u2019r amser i fuddsoddi. Ar \u00f4l Brexit, bydd pethau\u2019n anodd i gynhyrchwyr bwyd y DU. Dylech ddewis eich nod, gwneud eich ymchwil a chael cyngor gan rywun profiadol.\u201d Wrth fyfyrio am ei uchelgais, dywed Paladino, \u201cByddaf yn dal wrthi nes ceir hyd i ddull cynaliadwy o gynhyrchu bwyd ar lefel fyd-eang.\u201d<\/p>\n![\"BioaquaFarm-1\"](\"https:\/\/our-food.test.properdesign.rs\/wp-content\/uploads\/2020\/06\/BioaquaFarm-1.jpg\")