Pan adawodd Conor Crickmore ei fywyd yn y ddinas i redeg tyddyn ym Mynyddoedd Catskill yn Nhalaith Efrog Newydd, roedd yn gwybod y byddai bywyd yn anodd. Ond pan sylweddolodd ei fod yn ennill \u201cceiniogau\u2019r awr\u201d am weithio diwrnod 12-14 awr, penderfynydd bod yn rhaid newid rhywbeth. Erbyn heddiw mae trosiant Fferm Neversink dros $350,000 y flwyddyn, a hynny ar 1.5 erw o welyau parhaus, ac yn \u00f4l Conor, hwn yw\u2019r tir mwyaf cynhyrchiol fesul troedfedd sgw\u00e2r yn y Sir.<\/p>\n
Treuliodd Conor ran fwyaf ei fywyd fel oedolyn yn gweithio fel ymgynghorydd ym maes gwyddoniaeth gyfrifiadurol yn Brooklyn, \u201cyn gweithio mewn ciwbicl, yn yfed cwrw ac yn bwyta wystrys mewn fflat drud.\u201d Ond symudodd i dref Neversink yn Sir Sullivan ar \u00f4l priodi Kate, ei wraig. Llain fach o dir oedd ganddynt, a chyfalaf o $30,000: \u201cNid ffermio oedd y bwriad,\u201d meddai Conor, \u201cdim ond tyfu ein bwyd ein hunain a gwerthu unrhyw beth dros i ben i wneud bywoliaeth.\u201d<\/p>\n
Cychwynnwyd trwy gynhyrchu ystod eang o gynnyrch, nid llysiau\u2019n unig ond ieir ar gyfer wyau a chig, gwenyn ar gyfer m\u00eal, a hyd yn oed brithyll. Ond darganfuwyd bod angen gweithio am oriau hir i ennill ychydig iawn. \u201cRoedd yn anodd iawn, iawn,\u201d meddai Conor, \u201cyn y flwyddyn gyntaf, anaml iawn y byddem yn eistedd n\u00f4l a meddwl \u2018mae hyn yn mynd yn dda\u2019, ond roeddwn yn optimistig. Mae cychwyn busnes yn golygu aberth enfawr ar y dechrau; does dim ffordd arall i\u2019w wneud, ond roedden ni\u2019n awyddus i adeiladu rhywbeth fyddai\u2019n haws wedyn.\u201d<\/p>\n Felly, defnyddiodd Conor ei brofiad o weithio fel ymgynghorydd cyfrifiadurol. \u201cPan roeddwn yn Brooklyn roeddwn yn llwyddiannus iawn wrth greu systemau cyfrifiadurol mawr i weithio\u2019n gyflym ac yn syml iawn. Trwy\u2019r profiadau cynnar ar y fferm, wnaethon ni sylweddoli bod yn rhaid inni greu \u2018system\u2019 ar gyfer popeth. Ac ar \u00f4l inni wneud hynny, newidiodd pethau. Buaswn i\u2019n hoffi dweud inni gael \u2018fflach o ysbrydoliaeth\u2019 ond nid dyna ddigwyddodd, dim ond cyfres o f\u00e2n newidiadau oedd yn sylfaen i\u2019r hyn sy\u2019n digwydd nawr.\u201c<\/p>\n Llwyddodd y cwpl i adnabod systemau neu dechnegau oedd yn effeithio ar effeithlonrwydd, a dileu neu ddiwygio\u2019r rhain. \u201cRoedd angen inni symud rhwng A a B gyda chyn lleied o gamau \u00e2 phosib, ond hefyd roedd yn rhaid i weithwyr gyflawni\u2019r rhain.\u201d Yn ystod yr ail flwyddyn, llwyddwyd i ddyblu\u2019r cynhyrchiant.<\/p>\n Un o\u2019r newidiadau mwyaf arwyddocaol oedd newid o ddefnyddio tractor i offer llaw a pheidio defnyddio peiriant i aredig y tir. Meddai Conor: \u201cFfermio \u00e2 llaw yw ein system ni; a defnyddio offer llaw yn lle\u2019r tractor. Mae\u2019r holl blannu, trin y tir a\u2019r cynaeafu yn cael ei wneud \u00e2 llaw. Fodd bynnag, rydym yn defnyddio offer a thechnegau cyfoes, sy\u2019n golygu ein bod yn effeithlon a chystadleuol. Mae\u2019r dull hwn o ffermio\u2019n haws, yn fwy cynhyrchiol ac yn gallu cynhyrchu llysiau uwch eu safon. Trwy drin haen uchaf y pridd yn unig, rydym yn llwyddo i gynnal strwythur y pridd a lefelau uchel o ddeunydd organig buddiol a micro-organebau sy\u2019n helpu cnydau i dyfu.<\/p>\n Mae Neversink yn defnyddio technegau plannu a thyfu dwys. Mae\u2019r gwelyau allanol parhaus yn cael eu plannu dro ar \u00f4l tro yn ystod y tymor, rhwng dechrau Ebrill tan ddiwedd yr Hydref. Mae\u2019r twneli plastig yn cynhyrchu llysiau trwy gydol y flwyddyn: \u201cGwneir hyn drwy gadw\u2019r pridd yn llawn gwrtaith. O ganlyniad, nid oes rhaid inni fraenaru caeau. Credwn fod y dull hwn o ffermio\u2019n creu llysiau iachus sy\u2019n gwrthsefyll clefydau a phl\u00e2u.\u201d<\/p>\n Hefyd, mae Conor yn disgrifio Neversink fel \u201cfferm heb chwyn.\u201d Trwy blannu eginblanhigion yn ddwys, mae llai o le ar gael i chwyn dyfu a chystadlu \u00e2\u2019r cnydau, ond maen nhw hefyd yn defnyddio\u2019r pridd cyfyngedig yn fwy effeithlon. Tyfir tomatos a chiwcymbrs yn y tai gwydr, lle gellir rhyddhau ysglyfaethwyr naturiol, megis nadroedd cynhenid, i gadw pl\u00e2u draw.<\/p>\n Mae\u2019r llwyddiant wedi caniat\u00e1u iddynt werthu mwy o lysiau. Maen nhw wedi bod yn rhan o gynllun amaethyddiaeth a gefnogir gan y gymuned (CSA), wedi agor siop ar y fferm, ac maent yn gwerthu\u2019n rheolaidd i farchnadoedd ffermwyr ac i fwytai. \u201cRoedden ni\u2019n arfer mynd i farchnadoedd ffermwyr lleol, ond roedden ni\u2019n tyfu\u2019n ynghynt na nhw. Yn lle ychwanegu mwy a mwy o farchnadoedd ffermwyr, byddem yn gweithio ar gael marchnadoedd ffermwyr mwy a gwell.\u201d Mae cogyddion y sector bwyd archwaeth yn ninas Efrog Newydd yn fodlon talu prisiau uwch am gynnyrch organig, a dyna lle gwerthir mwyafrif o gynnyrch Neversink.<\/p>\n Gan fod Neversink bellach wedi cyrraedd y nod o gynhyrchiant uchel trwy ddefnyddio dulliau amaethu cynaliadwy, organig heb aredig, mae Conor am helpu eraill i wneud yr un peth; o addysgu ffermwyr bach eraill i greu systemau ffermio mwy effeithlon a phroffidiol, i annog pobl nad ydynt yn ffermio i arddio a bod yn hunangynhaliol. Ehangwyd presenoldeb Neversink ar-lein i gynnwys cyfrif Instagram Conor, sydd \u00e2 dros 50,000 o ddilynwyr, a\u2019i sianel YouTube, sy\u2019n cynnwys cannoedd o fideos ar y technegau amaethyddol a ddefnyddir ar Neversink.<\/p>\n![\"model-neversink-1\"](\"https:\/\/our-food.test.properdesign.rs\/wp-content\/uploads\/2020\/06\/Tomatoes-in-a-hoop-house-in-Spring-scaled.jpg\")
![\"model-neversink-2\"](\"https:\/\/our-food.test.properdesign.rs\/wp-content\/uploads\/2020\/06\/Conor-with-his-tool-creation-the-gridder-scaled.jpg\")
![\"model-neversink-3\"](\"https:\/\/our-food.test.properdesign.rs\/wp-content\/uploads\/2020\/06\/Neversink-Farm-Vegetable-Field-and-Barn-scaled.jpg\")