Cynaliadwyedd, arloesi a \u2018rhoi\u2019r teulu\u2019n gyntaf\u2019 sy\u2019n cyfuno llwyddiant y cwmni Chuckling Goat sy\u2019n gweithio ym maes gofal iechyd cyfannol, a sefydlwyd gan Shann a Richard Jones ar eu fferm 25 erw yng ngorllewin Cymru.<\/p>\n
Mae\u2019r p\u00e2r priod yn cynhyrchu diodydd iechyd a chynnyrch gofal i\u2019r croen o laeth eu buches geifr, ynghyd \u00e2 llaeth geifr o Laethdy San Helen er mwyn diwallu\u2019r galw mawr am y cynnyrch. Defnyddir eu cynnyrch i drin afiechyd sy\u2019n gysylltiedig \u00e2\u2019r coludd a chyflyrau croen cyffredin megis ecsema a soriasis.<\/p>\n
\u201cDefnyddir bacteria llesol o\u2019r diodydd kefir i adfer cydbwysedd microbau iachus yn y coludd,\u201d meddai Shann, \u201cTrwy ei gyfuno gydag olewon hanfodol hufen argroenol, mae\u2019n cael gwared ar heintiau ar y croen. Trwy iachau\u2019r coludd, rydych yn iachau ar y tu fewn a\u2019r tu allan yr un pryd.\u201d<\/p>\n
Cynaliadwyedd yw sylfaen y busnes, \u201cmae\u2019n werth cyson yn hytrach na datganiad cenhadaeth mewn rhyw ffeil llychlyd rhywle,\u201d yn \u00f4l Shann. Trwy arfer agwedd naturiol i fagu geifr a grawn kefir, meddai Shann, \u201cRydym yn compostio deunydd gorwedd y geifr i\u2019w ddefnyddio fel gwrtaith ar y caeau, ac rydym yn osgoi defnyddio cynhwysion synthetig yn ein holl gynnyrch – maen nhw\u2019n 100% naturiol.\u201d<\/p>\n
![\"chucklinggoat-1\"](\"https:\/\/our-food.test.properdesign.rs\/wp-content\/uploads\/2020\/06\/chucklinggoat-1-300x200.jpg\")
<\/p>\n
Mae ganddynt gysylltiadau gyda dros 100,000 o gwsmeriaid o bedwar ban byd sy\u2019n \u2018debyg i aur\u2019 ac maen nhw\u2019n gwerthu ar-lein yn unig. \u201cNid ydym yn defnyddio manwerthwyr trydydd parti, a byddwn yn cyfathrebu\u2019n uniongyrchol gyda\u2019n cwsmeriaid, dros y ff\u00f4n, drwy ebost, drwy sgwrsio ar-lein ac mae ap ar y gweill,\u201d meddai Shann, \u201cEin prif nod yw creu atebion – dyna ran bwysicaf y busnes. Dewiswyd buddsoddi mewn arbenigwr TG i reoli ein gwefan yn llawn amser, yn lle gwario arian ar gostau i fod ar y stryd fawr a threthi busnes.\u201d<\/p>\n
Cychwynnwyd y busnes o ganlyniad i reidrwydd. \u201cAr \u00f4l cael llawdriniaeth, cafodd Richard yr arch-fyg MRSA, ac nid oedd gwrthfiotigau\u2019n gweithio,\u201d dywed Shann, \u201cDoedd y meddyg ddim yn gallu ein helpu, ac roeddwn yn gwrthod gadael i\u2019m g\u0175r farw.\u201d<\/p>\n
Roedd ganddynt eifr ar y fferm yn barod, ac roedd Shann wedi defnyddio\u2019r llaeth i drin haint bronciaidd ei brawd yn llwyddiannus. \u201cPan glywais i feddyg o Rwsia ar Radio Four yn trafod rhinweddau kefir, cysylltais ag ef,\u201d meddai Shann. Dysgodd y meddyg iddi sut i wneud kefir a chreodd hufen i\u2019r croen trwy ddefnyddio olewon hanfodol.<\/p>\n
\u201cRoeddwn yn rhoi haen o kefir ac olewon hanfodol dros gorff Rich ac roedd yn yfed kefir tair gwaith y dydd hefyd,\u201d meddai Shann. Ar \u00f4l i feddyginiaeth brif ffrwd ei fethu, roedd hi wedi darganfod triniaeth amgen bwerus. Cliriodd croen Richard ac o fewn pythefnos roedd yn gyrru ei dractor eto.<\/p>\n
Ar y cychwyn roedd arian yn dynn. \u201cRoedd gennym gyn lleied o arian, gwerthwyd beic modur Richard i brynu poteli,\u201d dywed Shann. \u201cNid oedd gennym gyllideb ar gyfer marchnata, ac roeddem yn dibynnu ar gyfryngau cymdeithasol. Dywedodd fy mentor wrthyf – Shann, mae\u2019n rhaid iti ysgrifennu llyfr a rhoi dy wyneb i\u2019r busnes.\u201d Dyna wnaeth Shann a llwyddodd ei llyfr i gyrraedd brig rhestr gwerthwyr gorau Amazon. A diolch i Steve Wright ar ei raglen ar Radio Two yn cyfeirio ati, ehangwyd y brand i gynulleidfa lawer ehangach, \u201cAr \u00f4l hynny, bu cynnydd mawr yn ein gwerthiant, ac wedi hynny rhestr aros o wyth wythnos,\u201d meddai Shann.<\/p>\n
Wrth feddwl am eu llwyddiant, y cydbwysedd rhwng bywyd gwaith a\u2019r teulu sy\u2019n bwysig, \u201cRydym yn gorffen am 4 o\u2019r gloch er mwyn treulio amser gyda\u2019n teuluoedd,\u201d meddai Shann. I\u2019r sawl sy\u2019n gyfarwydd gydag oriau gwaith hir y byd bwyd a ffermio, gellir ystyried rhoi\u2019r \u2018teulu\u2019n gyntaf\u2019 fel greal sanctaidd.<\/p>\n
Mae Shann yn gweld dull newydd o weithio yn dod i\u2019r amlwg, a seilir ar fusnesau bach uchel eu gwerth sy\u2019n dibynnu ar gyfryngau cymdeithasol. \u201cGwnewch yr hyn sy\u2019n bwysig ichi, yr hyn rydych yn frwdfrydig amdano, yr hyn sy\u2019n hardd ac yn werth chweil,\u201d yw cyngor Shann, \u201cMae gwerth gwirioneddol ynghlwm wrth rannu eich stori – mae pobl am ei chlywed. Dilysrwydd sy\u2019n bwysig i bobl. Eich rhodd chi i\u2019r byd yw eich busnes.\u201d<\/p>\n